Katawaena Group - Bawa

Katawaena Group - Bawa
(cipt. Soginötö Gea)

Bawa yawa ba dalu mbanua
No so ia banahia salawa
Edöna dödögu uhalö ia
Tebai ukhamö ambö tanga

Manö ndra'ugö he akhigu
No so'ö banahia saröu
Edöna dödögu falukhado khöu
Noso nasi otaluada

Hewöisa lala nakhi
Enaö tola falakhi
Ya'ugö siso ba gunungsitoli
Ga'au ya'o göi ba danö wekoli

Angandrö-ngandrö nakhi
Enaö so harazaki
Ufulido ba gafuriata ndröfi
Ta o'ozui fefu zino tazazi

Solaso Trio - Lö Khili-Khili

Solaso Trio - Lö Khili-Khili

No'ara no'utötöna bandröfi nou'tötö'u
U'alui lala enaö ya'ita tola fahuwu
Omuso sibai dödögu ötema wa'omasigu
Okafu dödö hulö niwuwui idanö gumbu

Lö ara na'i ginötö no aröu faehu lagumö
U'alui-alui bakha badödö hadia zalagu
Urongo duriau banangi sozimöi börö wamabali
Ira satuamö zilö edöna ita orudu

Samuzatö natola itehe sokhö
Ufuli furi
Fefu zino irai alua bazilalö
Hawa'asökhi
Löniha sitola möi fangalimö
Lö khili-khili

Vivied Gulö - Inötö

Vivied Gulö - Inötö

No tarugi ginötö si sökhi si'ai
Ma'ökhö da'a
Inötö nifahowu'ö Lowalangi
Ba wa'aurida

Usöndra wöfö döla nosugu
Sino ara u'alui
Simöi awö fao ero ma'ökhö
Sandrohu fa'auri

U'andrö khöu böi so dödöu fabali
Sandrohu fa'auri
Böi so wa awuwu wangera-ngera
Na inötö oriri

Ya'e dangagu ube'e khömö
Ohe ba lala Satulö
Me yaugö zitobali ngambatögu
Nituyu Zokhö

#Böi fabali tebai faröi
Ya'ita nifaböbö Lowalangi
He numana he tosasa
Lö irai tumbu ba dödö waniasa

Enaö hasara dödö ha sambua gera-era
Me yaugö dambali si no ifili

Riana Daeli - Mala'ika Sifahuwu

Riana Daeli - Mala'ika Sifahuwu
(cipt. Wira Ziliwu)

Ya'ugö ga'a mala'ika sifahuwu khögu
Ya'ugö gumbu nidanö börö wangokafu
Ero namohede'ö na itaria ö'agö ngaigu
Terara dödö döhö wökhö nosogu

Saohagölömö fefu wa'omasimö khögu
Ufabu'u badödögu tebai u'olifu
Irege ahuwa högö irugi mate mbotogu
Ha sa ya'ugö ziso ba hunö dödögu

#Ga'a... Ga'agu omasi'ö
Oro'ö dangamö hatö'ögö bangaigu
Lö edönado naso niha bö'ö
Simöi salahigu

Me haya'ugö hakhöu utou'ö
Khögu nösi dödö

Tugela Trio - Katawaena II

Tugela Trio - Katawaena II
(cipt. Wira Ziliwu)

Humombo manari ira
Yawa ba dalu mbanua
Ba gahe lawuo so'ira
Lalau molaya-laya

Katawaena fofo side-ide
Hasara-sara dödö
Namangawuli ira no te'oli-oli
Yawa badugela

Faehu ira wofo sebua
Moyo sebolo afi
Ilau göi molaya-laya
Ilau manari-nari

Lö ahatö khönia wofo soya
Ata'u ira fakha'a
Hiza namangawuli ia ba dugela
Hatö samösa-mösa

#Fili-fili khöu talifusö
Hezo gamuata somasi'ö
Na fao dödöu nifalua katawaena
Mazui amuata wofo sebua

Lömauwu ndaono ba hagö-hagö
Löfao zatua ba wekökö-kökö
Hadia wamauwu ndaono tenga'ö
Hadia worahugö zatua tenga böwö